「哥你老味」背後的故事

 

文:E

 

早陣子有報道話「哥哥」同香港傳媒勢成水火,佢又唔接受訪問,更加贈以一句「哥你老味」,請大家食鹵咪,而震驚大家耳仔。

 

E姐」好奇怪,雖然「E姐」同「哥哥」傾偈,佢偶然都會加助語詞,但好少公開贈「鹵味」,一定有內情,所以「E姐」就同幕後人士八一八,果然「哥哥」送「鹵味」係有原因。

 

話說當日係趕拍禁煙電影,由於各藝人都是義務幫忙,而且時間緊迫,所以「哥哥」事前知會不希望有記者採訪,免得進度延誤,點知到現場已有大班記者,他亦唯有照拍,不過他與其他藝人如王力宏、莫文蔚在場,記者就不得拍照,但該片是菲林拍兼現場收音,就因為不斷的相機摩打聲,「CHICHICHACHA...」而NG了幾次,既影響成本又延誤時間,令到「哥哥」開始「萌」,就同場務講不如用五分鐘清場,希望勸掂記者們勿再影相而被收音後又要NG,但現場記者個個都唔肯執輸,大家都在僵持,「哥哥」唯有先返自己保母車休息吓,佢一出門口,又不停閃閃吓閃光燈,更狂嗌「哥哥」,佢就一時火滾衝口而出「哥你鹵味」。

 

E姐」明白記者職責係捕捉一張好照片交俾公司,不過都無需要做「菲林殺手」啫,下次影完就算,就無咁乞人憎,大家禮讓、互相了解,介蒂也會減少。

 

netvigator.com  2000-10-00

 



LeslieCheungCyberworld © 2014 , All Rights Reserved